Ahmad Tariq
meri afsurdagi se lutf uthane vaale
kitne zalim hain ye sab log zamane vaale
log hanste hain udasi men tadapta huun jab
ek to dard hai uupar se satane vaale
pyaar apni jagah par ek shikayat hai mujhe
tum ne aane men bahut der ki aane vaale
main kabhi paas chala jaata tha rone ke liye
aur kabhi zehn men aa jaate rulane vaale
ik taraf ranj bulata hai musalsal mujh ko
dusri aur mujhe ranj bulane vaale
markaz-e-karb ka ‘ahmad’ jo chhide zikr kahin
jaane kyon tera batate hain batane vaale
Leave a Reply