miri ah-o-fughan se be-sama.at ho ga.e ho kya
abhi to ibtida ki hai abhi se so ga.e ho kya
bhare bazar men tanha.iyon ko DhunDne vaalo
mire zauq-e-junun men tum bhi shamil ho ga.e ho kya
vo gul jis ke liye ye asman mausam badalta hai
usi ka biij meri ḳhak-e-jan men bo ga.e ho kya
koi avaz kyuun dete nahin sanson ke markaz se
ki tum bhi zindagi ke pech-o-ḳham men kho ga.e ho kya
kabhi jhanka hai tum ne Dubte suraj ki ankhon men
kabhi tum jhiil ke us paar bhi yaaro ga.e ho kya
ye be-ḳhvabi ka aalam aur har aahaT pe chaunk uThna
daricha kyuun khula rakhte ho pagal ho ga.e ho kya
vo jis par ḳhema-zan the qafile laila-paraston ke
kabhi us raste par bhi batao to ga.e ho kya
zamane ko kabhi tasvir-e-hairat ban ke dekha hai
kabhi be-samt rahon par bhi durveshon ga.e ho kya
zamane ko kabhi tasvir-e-hairat ban ke dekha hai
kabhi be-samt rahon par bhi durveshon ga.e ho kya
sunaoge kahan tak dastan-e-ḳhair-o-shar apni
‘ziya’ is dasht-e-jan men ban ke qissa-go ga.e ho kya
Leave a Reply