Aijaz Asad
mire zehn-o-dil par jo chhaya hua hai
mujhe us ne yaksar bhulaya hua hai
har ik naqsh-e-duniya miTaya hua hai
use main ne dil men basaya hua hai
bahut duur mahsus hota hai mujh ko
gale jis ko main ne lagaya hua hai
mujhe ḳhauf hai silvaTen paḌ na jaaen
badan us ne apna bichhaya hua hai
tumhen dhundne se nahin milne vaala
nishan apna main ne miTaya hua hai
bhaTakte hain sahra men kitne musafir
har ik naqsh-e-pa ka safaya hua hai
yahi ja-nashin hai miri mumlikat ka
baghal men jo bachcha sulaya hua hai
Leave a Reply