mere us ke darmiyan ye fasla apni jagah hai
ahaTon aur dastakon ka silsila apni jagah hai
sina-e-avaz men hai barf ki talvar gum
be-sada gumbad ka lekin mas.ala apni jagah hai
main chamakti ret ki aTkheliyon ka huun asiir
eḌiyon ka iztirabi mashghala apni jagah hai
ḳhud-farebi ka bharam TuuTa chalo achchha hua
unghti bedariyon ka marhala apni jagah hai
Leave a Reply