zulf-e-shab-rang jo banai hai
un dinon shane ki ban aai hai
haif sabit hai jeb ne daman
aur junun men bahar aai hai
kahe parvana shama-ru tujh ko
us ki ankhon men charbi chhai hai
meri un ki bigad hone se
khuub aghyar ki ban aai hai
paani mangega kya dahan-e-zakhm
tegh ik ab-dar kahani hai
kalima un buton ne padhvaya
khub-rui hai ya khudai hai
hama-tan ho gae hain aina
khud-numai si khud-numai hai
yaar se ho bhala raqibon ka
ai ‘sakhi’ bas yahi burai hai
Leave a Reply