mire sukun miri har ḳhushi ko le Duuba
tira fareb miri zindagi ko le Duuba
charagh-e-rah se kuchh raushni mayassar thi
hava ka zor usi raushni ko le Duuba
tire visal men raunaq thi mere chehre par
tira firaq miri tazgi ko le Duuba
badalne vaali thi taqdir mera mustaqbil
mira junun miri behtari ko le Duuba
taraqqiyon ko tasalsul hai inkisari men
ghurur aaya ki bas aadmi ko le Duuba
labon ne sabr tahammul ko kha liya ‘mashkur’
sitam tumhara miri ḳhamoshi ko le Duuba
Leave a Reply