M Usman Shakir
mire suḳhan ko naya moḌ dene aaya tha
sahara de ke mujhe chhoḌ dene aaya tha
ye kya ajab hai ki mangi thi ham ne jis se bhiik
vo chahaton ka mahal phoḌ dene aaya tha
main jis ke vaste ab tak azab-e-jan jhelun
vo ḳhush-nasib mujhe toḌ dene aaya tha
kisi ne us ko mohabbat men dard baḳhsha tha
vo bevafa.i mujhe moḌ dene aaya tha
vo jaate jaate mujhe kirchiyon men baanT gaya
jo kah raha tha mujhe joḌ dene ya tha
Leave a Reply