mire riyaz ka aḳhir asar dikha.i diya
chhupa tha dil men jo naghma mujhe suna.i diya
jahan-shanas o ḳhud-agah kar diya mujh ko
mire shu.ur ne vo dard-e-ashna.i diya
jo pa liya tujhe main ḳhud ko DhunDne nikla
tumhare qurb ne bhi zaḳhm-e-na-rasa.i diya
abhi to toḌ thake bazuon ki patvaren
vo duur ufuq pe koi badban dikha.i diya
zamane biit ga.e dasht dasht phirne ke
na.e shu.ur ne ham ko safar ḳhala.i diya
Leave a Reply