Mere Ratjagon Ko Zafar-Yab Kar De

mire ratjagoñ ko zafar-yāb kar de

ḳhudāyā use itnā be-ḳhvāb kar de

vo ġhuncha-badan ab ke pathrā gayā hai

mire āñsuoñ ko bhī tezāb kar de

use itnā ḳhush kar ki lab suukh jaa.eñ

use itnā ġham de ki sairāb kar de

agar muztarib hai to us ko sukūñ de

agar pur-sukūñ hai to betāb kar de

ye maḳhlūq apne liye mas.ala hai

vafā karne vāloñ ko nāyāb kar de

Leave a Comment