Mere Mazar Pe Aa Kar Diye Jalaega

mire mazār pe aa kar diye jalā.egā

vo mere ba.ad mirī zindagī meñ aa.egā

yahāñ kī baat alag hai jahān-e-dīgar se

maiñ kaise ā.ūñgā mujh ko agar bulā.egā

mujhe hañsī bhī mire haal par nahīñ aatī

vo ḳhud bhī ro.egā auroñ ko bhī rulā.egā

bichhaḌ ke is ko ga.e aaj tīsrā din hai

agar vo aaj na aayā to phir na aa.egā

faqīh-e-shahr ke baare merī raa.e thī

gunāhgār hai patthar nahīñ uThā.egā

isī tarah dar-o-dīvār tañg hote rahe

to koī apne liye ghar nahīñ bānegā

hamāre ba.ad ye dār-o-rasan nahīñ hoñge

hamāre ba.ad koī sar nahīñ uThā.egā

Leave a Comment