mire mazar pe aa kar diye jala.ega
vo mere ba.ad miri zindagi men aa.ega
yahan ki baat alag hai jahan-e-digar se
main kaise a.unga mujh ko agar bula.ega
mujhe hansi bhi mire haal par nahin aati
vo ḳhud bhi ro.ega auron ko bhi rula.ega
bichhaḌ ke is ko ga.e aaj tisra din hai
agar vo aaj na aaya to phir na aa.ega
faqih-e-shahr ke baare meri raa.e thi
gunahgar hai patthar nahin uTha.ega
isi tarah dar-o-divar tang hote rahe
to koi apne liye ghar nahin banega
hamare ba.ad ye dar-o-rasan nahin honge
hamare ba.ad koi sar nahin uTha.ega
Leave a Reply