Ghulam Murtaza Rahi
mere lab tak jo na aa.i vo dua kaisi thi
jaane is raah men marzi-e-ḳhuda kaisi thi
jis ko hangama-e-hasti ne ubharne na diya
jis ko ham sun nahin paa.e vo sada kaisi thi
mera a.ina-e-ehsas shikasta tha agar
surat-e-hal miri tu hi bata kaisi thi
ab jo azad hue hain to ḳhayal aaya hai
ki hamen qaid bhali thi to saza kaisi thi
lahlahata tha mire dil ka ilaqa ‘rahi’
jaane us vaqt yahan ab-o-hava kaisi thi
Leave a Reply