abdul-mannan-samadi

Mere Ghar Se Uski Yaadon Ke Makin Jate Nahin

mere ghar se us ki yadon ke makin jaate nahin

chhod kar jaise shajar apni zamin jaate nahin

tere dar se hi milega jo bhi milta hai hamen

ham tire dar ke alava ab kahin jaate nahin

tujh ko dekhe ik zamana ho gaya par kya kahin

aaj bhi dil se tire naqsh-e-hasin jaate nahin

gham diye hain zindagi ne gham se mayusi nahin

chhod kar ab zindagi ko ham kahin jaate nahin

udte phirte hain khalaon men sahabon ki tarah

ye vo naale hain ki jo zer-e-zamin jaate nahin

More Poems

Leave a Comment