B S Jain Jauhar
mire dil se mohabbat ki faravani nahin jaati
main aksar sochta huun kyon ye nadani nahin jaati
ye halat ho ga.i hai shiddat-e-ḳhatrat-e-paiham se
ki achchhe aadmi ki shakl pahchani nahin jaati
gharon ki raunaqen kilkariyan bachchon ki hoti hain
khilaunon ko saja kar ghar ki virani nahin jaati
na rasm-o-rah hai un se na baaqi vasta koi
magar palken jo karti hain nigahbani nahin jaati
buzurgon se suna hai maan ke qadmon men hi jannat hai
ki ḳhali barkaton se maan ki qurbani nahin jaati
Leave a Reply