mire dil ko shauq-e-fughan nahin mire lab tak aati dua nahin
vo dahan huun jis men zaban nahin vo jaras huun jis men sada nahin
na tujhe dimagh-e-nigah hai na kisi ko tab-e-jamal hai
unhen kis tarah se dikha.un main vo jo kahte hain ki ḳhuda nahin
kise niind aati hai ai sanam tire taq-e-abru ki yaad men
kabhi a.shna-e-tah-e-baghal sar-e-murgh-e-qibla-numa nahin
ajab is ka kya na sama.un main jo ḳhayal-e-dushman-o-dost hai
vo maqam huun ki guzar nahin vo makan huun ki pata nahin
ye ḳhilaf ho gaya asman ye hava zamane ki phir ga.i
kahin gul khile bhi to buund se kahin husn hai to vafa nahin
maraz-e-juda.i-e-yar ne ye bigaḌ di hai hamari ḳhu
ki muafiq apne mizaj ke nazar aati koi dava nahin
mujhe zafran se zard-tar gham-e-hijr-e-yar ne kar diya
nahin aisa koi zamane men mire haal par jo hansa nahin
mire aage us ko farogh ho ye majal kya hai raqib ki
ye hujum-e-jalva-e-yar hai ki charagh-e-ḳhana ko ja nahin
chalen go ki saikḌon andhiyan jalen garche laakh ghar ai falak
bhaḌak uTThe ‘atish’-e-tur phir koi is tarah ki dava nahin
Leave a Reply