mera ḳhud se milne ko ji chahta hai
bahut apne baare men main ne suna hai
sukun se koi ghar men baiTha hua hai
koi ḳhvab men dauḌta bhagta hai
adab men bahut kuchh purana hai lekin
hamen dekhna hai ki kya kuchh naya hai
jahan andhiyon ne jama.e the Dere
abhi tak vahan ek raushan diya hai
koi so raha hai ujale men din ke
koi raat ke ḳhauf se jagta hai
mujhe haal dil ka sunana hai jis ko
use mere baare men sab kuchh pata hai
ajab shor mahshar bapa hai yaqinan
kisi shaḳh se koi patta gira hai
Leave a Reply