Aftab Shamsi
adamiyon ke is maile men
vaqt ki ungli pakde pakde
jaane kab se ghuum raha huun
kabhi kabhi ji men aata hai
is mele ko chhod ke main bhi
un tedhi rahon par jaun
duur se jo sidhi lagti hain
lekin jaane kyuun ik saaya
rasta rok ke kah deta hai
vaqt ke saath na chalne vaale
marte dam tak pachhtate hain
adamiyon ke mele men phir
vapas kabhi nahin aate hain
Leave a Reply