Mear

shair ab tak to ye kahta tha ki mera mahbub

kuchh is andaz se chup-chap mire paas aaya

jaise phulon pe utarti hai subuk-pa shabnam

lekin is daur ko kya janiye kya rog laga

ab to mahbub ki aamad bhi nahin hashr se kam

ek ik saans men hain kitne chhanake barpa

ab to mas karti hai jab aise ezar-e-gul se

aisi avaz se guunj uthti hai gulshan ki faza

jaise jalte hue jangal pe baras jaae ghata

fan ke meaar badalte to hain lekin ab ke

is qadar shor hai kyuun ai mire khamosh khuda

Leave a Comment