mausam-e-gul men hain divanon ke bazar kai
shor-e-bulbul kai zanjir ki jhankar kai
sab gai bu-e-muravvat ki kal is baagh se haif
baare daman-kash-e-dil rah gae hain khaar kai
kab lag ahbab ka gham mujh ko dikhavega falak
khaak ho gae bahut aur hain so chalan-har kai
ai siyah-chashmo nahin kuchh mujhe gulzar se kaam
dagh-e-lala hi se rakhta huun sarokar kai
sakht yaron ki kudurat se hua huun be-dil
kha gae aina-e-dil mira zangar kai
mausam-e-gul men mire chak-e-gareban ko dekh
phaad gae pairahan-e-sabr rafu-kar kai
din pade shola-rukhon bin mujhe juun dud-e-charagh
meri dil-sozi se jalte hain shab-e-tar kai
jaldi avval ki hai par aabla paanv men mire
aur vo gul-ru ki rahe raah men ab khaar kai
sard-mehri tiri khuun garm hai az-bas mujh saat
hain rag-e-laal-e-jigar nala-e-khun-bar kai
Leave a Reply