mauj-e-ḳhun josh men thi apne qadam se pahle
koi aaya tha yahan dasht men ham se pahle
tuur be-nur tha muusa ke qadam se pahle
kis ne dekha hai tire husn ko ham se pahle
ḳhair guzri ki junun vaqt pe kaam aa hi gaya
sang-e-dar mil gaya mehrab-e-haram se pahle
ham bhi kandhon pe uTha la.enge maqtal men salib
kuchh ishara to mile ahl-e-karam se pahle
tishnagi-e-lab-e-asghar ka taqaza tha ‘raza’
varna talvar uThate na qalam se pahle
Leave a Reply