Shauq Mahri
mauj-e-hava-e-shauq use pa.emal kar
rakkhenge ḳhak-e-dil ko kahan tak sanbhal kar
afsurda-dil na ho ye safar ki takan hai
do-char ghunT pi ke tabi.at bahal kar
ye abr ye bahar ye tufan-e-rang-o-bu
ai dost meri tishna-labi ka ḳhayal kar
ye manzil-e-shabab hai pur-pech-o-pur-ḳhatar
ai paikar-e-jamal zara dekh-bhal kar
har ahl-e-dil ki meri taraf uTh ga.i nazar
guzre vo yuun qarib se daman sanbhal kar
ai ‘shauq’ main ne nazm-o-ghazal jab kabhi kahi
kaghaz pe rakh diya hai kaleja nikal kar
Leave a Reply