ik lamha bhi guzarun bhala kyuun kisi ke saath
guzre tamam umr miri aap hi ke saath
jab haath dosti ka baḌhaya ḳhushi ke saath
us ne mujhe qubul kiya ḳhush-dili ke saath
dil se kiya hai yaad use main ne jab kabhi
iz.har-e-hijr karti hain ankhen nami ke saath
ik baar mere yaar ne aisa kiya mazaq
allah re na ho kabhi aisa kisi ke saath
is tarah munsalik hua urdu zaban se
milta huun ab sabhi se baḌi ajizi ke saath
baaqi rahi hai dil men ye hasrat tamam umr
‘mahtab’ ka dayar ho us ki gali ke saath
Leave a Reply