Shan Bharti
kaun huun kya huun batati nahin surat meri
aa.ine men bhi hai ru-posh haqiqat meri
barf si yuun to jami rahti hai honTon pe magar
sho.ala ban jaati hai ankhon men sadaqat meri
dastaken shor men tabdil hon is se pahle
kaash le jaa.e koi mujh se sama.at meri
ye bhi mausam ka taqaza hai ki ghunche ki tarah
har na.i shaḳh pe khil jaati hai hairat meri
hadisa mere muqaddar men ye likkha hi nahin
varna dam toḌ chuki hoti sharafat meri
Leave a Reply