Poet
matam-e-ranj-o-alam gham hain baham charon ek
sitam-o-jaur-jafa naz-o-sanam charon ek
jab aTakta hai jo dil kuchh nahin chhoḌe baaqi
nang-o-namus haya aur sharam charon ek
ishq-bazan ke ta.iin ishq men tere ai yaar
masjid-o-madrasa-o-dair-o-haram charon ek
farq hargiz nahin jo tujh se milave ankhen
tiir aur ḳhanjar-o-jamdhar ke zaḳham charon ek
zulf juun mar-e-siyah qad jo daraḳht-e-chandan
aaj dekh aa.e hain is taur se ham charon ek
yaar aur ashiq-o-saqi-o-sharab-o-sabza
dekhta hai koi yak jaa.e pe kam charon ek
bhuul jaate hain sabhi bazm men mah-ruyon ki
aql-o-danish-o-tamiz aur faham charon ek
huun tira ai sanama is vaz.a se farman-bardar
sarban-o-nafar-o-banda ḳhadam charon ek
ghair vaslat ke tire aur na ḳhvahish apni
kya tala nuqra-o-dinar-o-diram charon ek
uTh gaya qaum se ashraf ke haihat afsos
ishrat-o-aish kahan jah-o-hasham charon ek
raushna.i-o-zaban tohfa kare qissa bayan
jis ghaḌi hote hain kaghaz-o-qalam charon ek
bhuul ja shauq men vaslat ke tu sab ko ai dil
dozaḳh-o-jannat o a.araf o adam charon ek
vaste tere muqarrar hain dil andesha na kar
mehrbani-o-ata fazl-o-karam charon ek
hai shuja.at va saḳha hilm-o-haya ‘qasim-ali’
shaan men sher-e-ḳhuda ke hain ḳhatam charon ek
Leave a Reply