matam-e-did hai didar ka ḳhvahan hona
jis qadar dekhna utna hi pasheman hona
saḳht dushvar hai asan ka asan hona
ḳhun-e-fursat hai yahan sar-ba-gareban hona
tera divana to vahshat ki bhi had se nikla
ki bayaban ko bhi chahe hai bayaban hona
kucha-e-ghair men kyuun kar na bana.un ghar ko
meri abadi se abad hai viran hona
ḳhak-e-vahshi se agar rabt hai Thokar ko tiri
daur-e-daman se nahin daur-e-gareban hona
na vo ḳhuun hi hai jigar men na vo rone ka dimagh
mil gaya ḳhaak men har ashk ka tufan hona
ji ka ji hi men raha harf-e-tamanna afsos
kahna kuchh aap hi aur aap pasheman hona
dil se andaz-e-shikan zulf ne sab jam.a kiye
chheḌ kar us ko kahin tu na pareshan hona
tujh ko arman-e-ḳharabi hai jo ai dehli aur
siikh ja ghar men mire rah ke bayaban hona
dil hai ik qatra-e-ḳhun jis pe ye siina zori
kuchh samajhta hi nahin ham-saf-e-mizhgan hona
mujh men kuchh taab ho ai jaan to main be-tab rahun
varna dushvar hai is raaz ka pinhan hona
yad-e-mizhgan se idhar zaḳhm-e-jigar par khana
aur udhar shorish-e-dil se namak-afshan hona
aaj vo vaqt ‘qalaq’ par hai ki juun ibn-e-ḳhalil
ghair taslim nahin qatl ka asan hona
Leave a Reply