Poet
rahta to hai us bazm men charcha mire dil ka
achchha hai ye achchha ho na sauda mire dil ka
hai josh-e-qalaq maarka-ara mire dil ka
hangama hai dil par mire barpa mire dil ka
hai sair nigahon men shabistan adu ki
kya mujh se chhupate ho tamasha mire dil ka
ik mashghala thahri hai tumhen ranjish-e-beja
ik khel hua tum ko satana mire dil ka
be-khud huun tasavvur men kisi barq-e-ada ke
sarmaya-e-taskin hai tadapna mire dil ka
barbad na jaegi ‘zahir’ apni musibat
akhir to kahin sabr padega mire dil ka
Leave a Reply