Mata-O-Mal Jo Le Jae to Ghanimat Hai

matā-o-māl jo le jaa.e to ġhanīmat hai

vo apnī jaan bachā laa.e to ġhanīmat hai

phaloñ kā aa.egā mausam to phal bhī ā.eñge

daraḳht detā rahe saa.e to ġhanīmat hai

kabhī to umr guzar jaatī hai nahīñ aatī

shu.ūr vaqt pe aa jaa.e to ġhanīmat hai

kabhī jo dard meñ Duubī huī sadā ubhre

samā.atoñ se na Takrā.e to ġhanīmat hai

ye ġham jo us ne diyā hai hunar se mere ‘shakīl’

mizāj-e-sher meñ Dhal jaa.e to ġhanīmat hai

Leave a Comment