mata-o-mal jo le jaa.e to ghanimat hai
vo apni jaan bacha laa.e to ghanimat hai
phalon ka aa.ega mausam to phal bhi a.enge
daraḳht deta rahe saa.e to ghanimat hai
kabhi to umr guzar jaati hai nahin aati
shu.ur vaqt pe aa jaa.e to ghanimat hai
kabhi jo dard men Duubi hui sada ubhre
sama.aton se na Takra.e to ghanimat hai
ye gham jo us ne diya hai hunar se mere ‘shakil’
mizaj-e-sher men Dhal jaa.e to ghanimat hai
Leave a Reply