Ghulam Husain Sajid
mata-e-barg-o-samar vahi hai shabahat-e-rang-o-bu vahi hai
khula ki is baar bhi chaman par giraft-e-dast-e-numu vahi hai
hikayat-e-ishq se bhi dil ka ilaaj mumkin nahin ki ab bhi
firaq ki talḳhiyan vahi hain visal ki aarzu vahi hai
badal diye hain kisi ne afsun se kaam le kar tamam mohre
ki sehar-e-imroz ke muqabil na main vahi huun na tu vahi hai
zamin pe bahti hui ye ankhen falak pe rukte hue ye taare
suna hai ye phuul hain usi ke suna hai ye aabju vahi hai
mah o sitara to aa.ine ke vajud se munharif hue hain
magar tiri chashm-e-mehrban ko charagh se guftugu vahi hai
ulajh raha hai koi sitara tilism-e-istaḳhr-o-nainva se
ki rabb-e-”ra.a” ke muqable men hua hai jo surḳh-ru vahi hai
bahut giran hai mire shab-o-roz par ye rang-e-visal ‘sajid’
magar vahi be-kali hai dil ki dimagh ko justuju vahi hai
Leave a Reply