masjidon ke sahn tak jaana bahut dushvar tha
dair se nikla to mere raste men daar tha
dekhte hi dekhte shahron ki raunaq ban gaya
kal yahi chehra hamare ainon par baar tha
apni qismat men likhi thi dhuup ki narazgi
saya-e-divar tha lekin pas-e-divar tha
sab ke dukh sukh us ke chehre par likhe paae gae
aadmi kya tha hamare shahr ka akhbar tha
ab mohalle bhar ke darvazon pe dastak hai nasib
ik zamana tha ki jab main bhi bahut khuddar tha
Leave a Reply