Mashwara Hai Ye Behtari Ke Liye

mashvara hai ye behtarī ke liye

ham bichhaḌ jaate haiñ abhī ke liye

pyaas le jaatī hai nadī kī taraf

koī jaatā nahīñ nadī ke liye

zindagī kī maiñ kar rahā thā class

bas register meñ hāzirī ke liye

aap dīvār kah rahe haiñ jise

rāsta hai vo chhipkalī ke liye

qais ne merī pairvī kī hai

dasht-o-sahrā meñ naukrī ke liye

niil se pahle chāñd par maujūd

ek buḌhiyā thī muḳhbirī ke liye

Leave a Comment