marte dam naam tira lab ke jo aa jaae qarib
ji ko thandak ho tap-e-gham na mire aae qarib
bosa mangun to kahen mujh se ye bulva ke qarib
kis ka munh hai jo mire munh ke vo munh laae qarib
haath daudaun na kyuun jabki vo yuun aae qarib
paanv phailaun na kyuun paanv jo phailae qarib
paas aauun to kahe pas-e-adab bhi hai zarur
duur jaun to vahan jaae taqaza-e-qarib
mujh ko ai pir-e-mughan mohtasib-e-na-hanjar
qurb-e-mahshar hai ki be-qurbi se bulvae qarib
gham-e-duri se tire kuche ke roya ashiq
vaan se jab rauza-e-rizvan use laae qarib
meri bedari se ai daulat-e-bedar ho kya
bakht jagen jo mujhe apne to bulvae qarib
mere nalon se na din chain na shab ko hai qarar
marg ke pahunche hain ab to mire ham-sae qarib
aisi majlis se agar rahiye baiid aula hai
dil dimagh apna to vo aur ye ghaugha-e-qarib
paas jaun to machal kar kahe chal yaan se duur
duur baithun to ghudak kar mujhe farmae qarib
ishq ke pech men huun chahiye hamdam pas-e-marg
ishq-e-pechan hi miri qabr ke lagvae qarib
mushk-o-sandal ho tire rang se balon ham-sar
ghussa dil ko mire kis tarah na aa jaae qarib
kuchh radif ab ki badha qafiya ‘ehsan’ tu badal
phir qarib aise bitha tujh ko vo bithlae qarib
Leave a Reply