parvin-sheer

Maqtal Se Jab Guzar Ke Harifana Aaiye

maqtal se jab guzar ke harifana aaiye

ik dasht-e-be-kanar men phir ghar banaiye

tarik ho na paae kabhi daman-e-falak

palkon se ta-ba-subh sitare jalaiye

hone na paae phulon ka muhtaj gulistan

dil ke hazar zakhm hamesha khilaiye

chehron ko qaid se hue azad gar kabhi

bikhre hue vajud ko kaise bachaiye

sahil na de saka hai sahara to kya hua

gardab ko asir-e-safina banaiye

More Poems

Leave a Comment