Poet
kis burj men falak ne sitare mila.e hain
dast-e-shab-e-firaq men saa.e hi saa.e hain
gulzar-e-zindagi ke hain gul-dan ke nahin
ye phuul kar-ḳhana-e-qudarat se aa.e hain
ḳhasta hue tane to jaḌen phuTne lagin
peḌon ne apne apne badan phir ugaa.e hain
saman-e-bud-o-bash tha jangal se shahr tak
ham apna bojh nafs ke ghoḌon pe laa.e hain
duniya men itne shor-sharabe ke bavajud
jo bolte nahin hain vahi ahl-e-ra.e hain
ham sar-phiron ka zauq-e-sukunat na puchhiye
jab shahr tang ho ga.e sahra basa.e hain
lagta hai apna zehn bhi apna nahin ‘nasim’
ḳhud-saḳhta ḳhayal bhi jaise para.e hain
Leave a Reply