Maqam-E-Girya-O-Zari Nahin Hai

maqām-e-girya-o-zārī nahīñ hai

takallum ishq pe bhārī nahīñ hai

ye socheñ us se mil kar khil uThī haiñ

koī ilhām to jaarī nahīñ hai

tumhārī muskurāhaT meñ chhupī sī

kahānī hai magar saarī nahīñ hai

tire lahje se aksar phūTtī thī

vo ḳhushbū aaj bhī haarī nahīñ hai

sukūt-e-shab kī kyā batlā.eñ tum ko

ki us se shai koī bhārī nahīñ hai

Leave a Comment