abid-kazmi

Maqam Apna Duniya Mein Zishan Rakh

maqam apna duniya men zishan rakh

jo nazron se tole vo mizan rakh

muhib tu khuda ka hai khalis ghalat

habib-e-khuda pe bhi iman rakh

na-umidi faqat kufr-o-ilhad hai

agar tu hai momin to iqan rakh

takhayyul bhi khud ka taghazzul men ho

baghal men kisi ka na divan rakh

khuda koi DhunDe to milta bhi hai

tajassus to apna pareshan rakh

More Poems

Leave a Comment