manzur kar le faisla parvardigar ka
jab mas.ala nahin hai tere iḳhtiyar ka
qismat ki hai ye baat ki banta hai kis se kya
sab dekhte hain ḳhvab kisi shahkar ka
basti men chiḳh chiḳh ke chup ho gaya tha sach
karta yaqin kaun kisi be-dayar ka
samjha liya hai ḳhud ko kisi taur haan magar
hota nahin hai kuchh bhi dil-e-be-qarar ka
guzregi duur hi se ki Thahregi shahar men
dilchasp hoga faisla ab ki bahar ka
Leave a Reply