Manzur Hai Napna Kamar Ka

manzur hai napna kamar ka

paimana banaiye nazar ka

tha shaam se daghdagha sahar ka

dhadka hi laga raha gajar ka

siine men se kuchh aai avaz

phuta koi aabla jigar ka

aansu puchhenge kab tak ahbab

tapka na rukega chashm-e-tar ka

dil hi to hai kya ajab bahal jaae

kuchh zikr karo idhar-udhar ka

kyuun zulf daraz kholte ho

kya khauf tumhen nahin kamar ka

kuchh be-adabi hui muqarrar

siina bedha gaya ghar ka

tanha nahin gosha-e-qafas bhi

jhagda hai saath bal-o-par ka

muhtaj-e-kafan nahin hai bulbul

parda kaafi hai bal-o-par ka

rahte nahin ek dam kisi ja

batlaen nishan-e-khak ghar ka

kya kya ham ne na khaak udaai

paaya na ghubar tere dar ka

ho aap ke kaan tak rasai

allah ye martaba ghar ka

ai dil kunj-e-mazar dekha

pahla ye maqam hai safar ka

yaqut kahan mire dhun men

tukda hoga koi jigar ka

rukhsat rukhsat jo kah rahe ho

ai jan-e-khayal hai kidhar ka

jab tak hai kuchh hayat baaqi

rasta dekhenge nama-bar ka

ankhon men khayal aur hi hai

jalva kiya dekhiye qamar ka

aram kahan nasib ham ko

khatka darpesh hai safar ka

pahunche mire haath tak to fassad

munh laal karunga neshtar ka

daude lene qadam ajal ke

dhoka hua yaar ki khabar ka

thahro lasha uthe to jaana

jhagda hai aur do pahar ka

kyuun aae ‘nasim’ niind ham ko

sar rakh ke zamin pe yaar sarka

Leave a Comment