ashk hue hain abtar aise ham ko bahae dete hain
takhti kaisi haif ye ladke dho ke mitae dete hain
ek phansi hi zulfon men ik chah-e-zaqan hain duubi hai
diida o dil men phuut padi hai ghar ko dubae dete hain
khuun karenge tum par apna yaad rakho in baton ko
aao na milna khuub nahin hai tum ko jatae dete hain
khuub jo dekha khuban ko kuchh khuub na dekha aise hain
ghair se mil kar khaak men ham ko muft milae dete hain
log ‘nisar’ ab ham se nahaq un ka tafahhus karte hain
nam-o-nishan ham yaar ka apne koi batae dete hain