Poet
manzar ye apni aankh men kaisa utar gaya
shishe ki samt dekha to shisha bikhar gaya
ik ḳhvab tha jo mujh se bayan ho nahin saka
ik rang tha jo dhuup se Takra ke mar gaya
aisa hua ki niind bhi rasta bhaTak ga.i
suraj bhi jalti aankh men sab dhuup bhar gaya
kaisi ye raat hai ki hava bhi laraz uThi
kaisi ye raushni ki sitara bhi Dar gaya
pathra ga.e hain phuul se ma.asum log bhi
basti pe apni kaun sa mausam guzar gaya
Leave a Reply