manzar tamam aaj tak ankhon pe bojh hain
jitne bhi ḳhvab hain miri palkon pe bojh hain
utrega chand to miri bhar aa.egi ye aankh
taare falak se TuuT kar raton pe bojh hain
sochon pe naqsh hain vo jo pal the visal ke
dukh hijr ke tamam hi lamhon pe bojh hain
baten us ek yaad ki baton ka husn hain
yaden us ek yaad ki yadon pe bojh hain
‘najma’ kahin bhi jhuuT ka jin par guman ho
aise tamam lafz hi sheron pe bojh hain
Leave a Reply