Mai-Kade Mein baiTh Kar Iman Ki Parwa Na Kar

mai-kade meñ baiTh kar īmān kī parvā na kar

yā use bhī ek do chullū pilā dīvāna kar

muskurā de qissa-e-ummīd kar de muḳhtasar

yā baḌhā le chal zarā sī baat ko afsāna kar

ḳhush-mazāqī shart ho jis ke nazāre ke liye

us gul-e-ḳhud-rū ko yārab zīnat-e-vīrāna kar

hādisa hai lekin aisā ġhair-ma.amūlī nahīñ

sham.a par parvāna jalne de koī parvāna kar

Leave a Comment