umr bhar duniya ko samjhata raha
ḳhud fareb-e-zindagi khata raha
raushni ankhon men baaqi thi na thi
vo nazar men tha nazar aata raha
zindagi kya thi tire jaane ke ba.ad
saans tha aata raha jaata raha
is tarah DhunDhoge ik din tum mujhe
jaise kuchh khoya gaya jaata raha
apni surat hi na pahchani ga.i
vaqt a.ina to dikhlata raha
apne hi TuuTe khilaunon se ‘ra.is’
zindagi bhar dil ko bahlata raha
Leave a Reply