Bashir Mehtaab
maana us ko gila nahin mujh se
kuchh to hai jo kaha nahin mujh se
haq nahin dosti ka aisa koi
jo ki us ko mila nahin mujh se
dil hi dil men vo bughz rakhta hai
jo ba-zahir ḳhafa nahin mujh se
kuchh to hoga zarur is ka sabab
vo jo ab tak laḌa nahin mujh se
laakh pichha chhuḌana chaha magar
gham hua hi juda nahin mujh se
kaise rah pa.ega vo mere baghair
jo alag hi raha nahin mujh se
jo ba-zahir ḳhafa hai ai ‘mahtab’
vo ba-batin ḳhafa nahin mujh se
Leave a Reply