vo jo ik shakl mire chaar taraf bikhri thi
main ne jab ghaur se dekha to miri apni thi
phir asiron pe kisi khvab ne jaadu daala
raat kuchh halqa-e-zanjir men khamoshi thi
yuun to adab-e-mohabbat men sabhi jaaez tha
phir bhi chup rahne men ik shaan dil-avezi thi
raat bhar jagne valon ne pas-e-shama-e-zard
subh ik khvab ki surat ki tarah dekhi thi
shorish-e-sher men khamosh si kyuun hai ‘zehra’
achchha-khasa to kabhi vo bhi kaha karti thi
Leave a Reply