Ai Be-KHabari Ji Ka Ye Kya Haal Hai Kal Se

ai be-ḳhabarī jī kā ye kyā haal hai kal se

rone meñ mazā hai na bahaltā hai ġhazal se

is shahr kī dīvāroñ meñ hai qaid mirā ġham

ye dasht kī pahnā.ī meñ haiñ yādoñ ke jalse

bātoñ se sivā hotī hai kuchh vahshat-e-dil aur

ahbāb pareshāñ haiñ mire tarz-e-amal se

tanhā.ī kī ye shaam udāsī meñ Dhalī hai

uThtā hai dhuāñ phir mire ḳhvāboñ ke mahal se

rātoñ kī hai taqdīr tirā chāñd sā chehra

nazroñ meñ hai tasvīr tire nain kañval se

Leave a Comment