Shahnaz Nabi
barson guzre
kisi jhiil men pankh duboe hue
sadiyan bitin
sar-e-sahil baanh pasare hue
vo man-sarovar
jis men sahar ki halki mithi dhuup bhi hai
pedon ka ghanera saaya bhi
aur qul-qul karti khamoshi
vo jis ki rahen durgam si
ye hans use pa jaae agar
sab gard vahin dho aaega
sab dard dubo aaega vahin
vo jis ki tamanna men din din
ye pankh bikharte jaate hain
ye saans ulajhti rahti hai
Leave a Reply