Farhan Salim
makr-e-hayat ruḳh ki qaba bhi utaar di
ham ne taḌap taḌap ke ye shab bhi guzar di
ab ham pe ḳhaak dekhiye kis dasht ki paḌe
yaan to azan-e-sub.h sar-e-auj-e-dar di
ab tum karo suragh-e-jamal-e-butan talash
ham ne tumhen amanat-e-chashm-o-azar di
dekhi hain yuun bhi charagaron ki karamaten
zaḳhm-e-lahu-lahu ko dava ḳhaar ḳhaar di
yuun bhi kiya hai ham ne haq-e-dilbari ada
apni hi jiit apne hi hathon se haar di
‘salim’ ḳhusha hai us ko bahut tujh pe e’timad
jis ne tujhe aziyyat-e-dil be-shumar di
Leave a Reply