Poet
main ne socha hi nahin mar ke kidhar ja.unga
main to manind-e-saba yaan se guzar ja.unga
sair-e-gulshan ka ye anjam kahan socha tha
le ke is bazm se ik zaḳhm-e-jigar ja.unga
jab se manus tire gham se hua huun ai dost
aisa lagta hai ki har gham se guzar ja.unga
husn ki aanch na do ishq zada dil ko mire
naqsh-e-poshida ki manind ubhar ja.unga
ye na bhulen miri hasti ko miTane vaale
meri fitrat hai sanvarna main sanvar ja.unga
Leave a Reply