Poet
dam koi dam ka hai mehman alvida.a
dard-o-gham mere dil-o-jan alvida.a
aa gale mil le ki phir milna kahan
al-firaq ai tegh-e-uryan alvida.a
ho chuki meri pareshani ki had
le ab ai zulf-e-pareshan alvida.a
baḌh gaya saman-e-nasazi bahut
assalam ai saz-o-saman alvida.a
ab hamen ro baiTh rona ho chuka
alvida.a ai chashm-e-giryan alvida.a
ab kahan ‘natiq’ ye bad-masti kahan
al-firaq ai bazm-e-rindan alvida.a
Leave a Reply