Dam Koi Dam Ka Hai Mehman Alwidaa

dam koī dam kā hai mehmāñ alvidā.a

dard-o-ġham mere dil-o-jāñ alvidā.a

aa gale mil le ki phir milnā kahāñ

al-firāq ai teġh-e-uryāñ alvidā.a

ho chukī merī pareshānī kī had

le ab ai zulf-e-pareshāñ alvidā.a

baḌh gayā sāmān-e-nāsāzī bahut

assalām ai sāz-o-sāmāñ alvidā.a

ab hameñ ro baiTh ronā ho chukā

alvidā.a ai chashm-e-giryāñ alvidā.a

ab kahāñ ‘nātiq’ ye bad-mastī kahāñ

al-firāq ai bazm-e-rindāñ alvidā.a

Leave a Comment