Maine Mana Ki Mulaqat Nahin Ho Sakti

maiñ ne maanā ki mulāqāt nahīñ ho saktī

to kyā ab tum se koī baat nahīñ ho saktī

dil meñ raushan haiñ mirī jaañ tirī yādoñ ke charāġh

shahr-e-ulfat meñ kabhī raat nahīñ ho saktī

bātin-e-qalb-o-jigar meñ hī basā le mujh ko

zāhiran gar tū mire saath nahīñ ho saktī

is kā sheva hai mohabbat meñ baġhāvat karnā

mo’atabar us kī kabhī zaat nahīñ ho saktī

ishq kā khel bhī ye soch ke maiñ haar gayā

sachche āshiq kī kabhī maat nahīñ ho saktī

Leave a Comment