main ne kuchh aur kaha us ne suna aur se aur
tha saval aur javab us ne diya aur se aur
aisa bahrup badalte nahin dekha ham ne
ban gaya aa.ina paate hi safa aur se aur
khinch la.egi mire ghar use ai ham-nafaso
aah ki aaj vo palTi hai hava aur se aur
is tarah rang badalta hai zamana dam dam
rang jis tarah badalti hai hina aur se aur
ye ghazal jis ne suni us ne kaha vaah ji vaah
‘aish’ kya ḳhuub biThaya hai baja aur se aur
Leave a Reply